要走的，終於要走

YAHOO！ BLOG已宣布將於年底死亡。

我會繼續BLOG下去，

為了方便保持聯絡，

請LIKE我的FACEBOOK PAGE。

https://www.facebook.com/TasteOurLife

母親的抉擇 - BB衫

BB衫，

可能是每個大肚婆最興奮的一件事。

而我，

慶幸小豆是仔，

其實選擇少好多，

亦不會因此而發瘋般SHOPPING。

之前，

參考了友人及網絡上的Baby Shopping List，

有點似照單執藥般，

不會買太多。

因為我預計有朋友給二手，及有朋友會送。

所以全部只買Basic的。

小豆目前的Wardrobe內主要有三個牌子的衣服：

1. Carter's (Cotton)

這算是一個大熱的牌子吧。

平、靚、正。

我在本地廠家開倉時平購了不同厚度的Blanket，約HK$60-HK$150/pcs不等。

另外，以HK$59/pcs的價錢，購入三件Sleepbag；

我亦有直接經美國Carter's網站直接購買 New Born Side-Snap Wrap （8件），同堆一些3-6m的bodysuit （共10件）：

其實，一次過買得多，除開來，連運費每件也只是約HK$50-HK$80。


2. Bamboo Baby (Organic)

這是我之前在香港「代理」的有機BB品牌，入了一些NEW BORN的貨，還有三件存貨，全部自己用番。>.<

3. Uniqlo (Cotton)

在baby-kiingdom的媽咪會內，聽講uniqlo的bb 唔錯，所以都買左少少：

我主打都係買Size 60，在Uniqlo買入8件衫，花費也只是HK$280，即平均每件也只不用HK$40呀！質料亦不錯呢。

另外，

得到友人的協助，我可以平價購得Purest Nature 的Snowsuit:

這件衫在Sogo專櫃售HK$800！

咁貴，我一定不捨得，

但宜家，我以HK$300就到手了！呵呵！

這件snowsuit，方便我們出吓街啦。

這，可能是我唯一買的出街衫。

哈哈。

[24W6D]情緒起伏

我自問性格向來穩定的人。

不敢說EQ好高，

但因為職業的關係，

大部份的時間，

我都可以說是忍功超強的。

我很少發脾氣。

不會太開心，亦不會太不開心。

不過，自懷有小豆以後，

情緒，出現了近五年來的最大起伏。

有時，會無端端地覺得好SAD，

有時，又會無端端地覺得「唔知自己大肚咁辛苦為咩」，

其實，我陀仔已算做陀得好。舒。服。

因為我沒有嘔、沒有暈、行得走得連追巴士都得！

不過，因為個肚一日一日咁大，

覺得自己好「論盡」，

就算身邊的同事、朋友都覺得我唔算論盡都好，

我就係覺得自己「成隻企鵝」咁囉。

有時，「攤」左係梳化睇電視，

要起身時，係必須要老公幫手先得。

老公口講話覺得我宜家好可愛，

但... 我一向唔係就卡娃而路線的嘛，

話我可愛... 其實我唔係好受落囉。

另外，BB開始踢踢了，

人地話開始覺得踢會好有FEEL，

但我一點也不覺得.....

好多時.... 開開吓會，佢一踢，我覺得會「尿急」，

但唔係吓吓可以去WE WE的嘛....

不過，踢我可以FEEL到他的存在，

感覺生命係好奇妙，

但如果突然FEEL唔到，

又會胡思亂想。

真係唔知自己想點。

我唔係唔鍾意小豆，

事實係我們二人為小豆也準備了很多。

只是....

有時，

覺得為人父母真的會「諗多左」，

好多野，

係又諗唔係又諗....

根本就自己嚇自己。

唉，我都係呻吓之嘛.........

母親的抉擇 - 小豆的綠色戰車

 

本來，是打算等小豆出世之後，

才買BB車的；

畢竟，

初生頭一個月都未必會出好多街呀！

不過，

因為最近發現我這個在航空公司工作的人，

寄空運回港是可以享有一折優惠的！

(雖然有QUOTA限制同埋要麻煩外地的朋友代收貨)

那便打鐵襯熱，

在8月頭BB展現場作最後檢閱後

在Stokke 同Quinny Moodd之間，

我選擇了較高身的STOKKE；

亦KO了老公灰麻色的選擇，

為小豆購入了青BB的可愛綠色！



在香港及英國兩地購買的價錢分別：

香港：HK$11,480 (BB車) + HK$2,880 (BB籃) + HK$350 愉景灣運費 = HK$14,710

英國：GBP750 (BB車) + GBP 150 (BB籃) = GBP 900 (約HK$10,800)

英國至香港運費：原價 GBP 22 (90% off airline fee) (約HK$270) + 英國機場稅 = < HK$900

差額為：14,710 - (10,800 + 900) = HK$3,010

即平了差不多20%

你問我是否平了很多，我會說也不算是。

不過，

套用我平得一蚊得一蚊的策略，

這亦未嘗不是一個好的選擇呀！

8月9日下訂單，

8月10日由一名有英國戶口的朋友代繳付，

8月15日送貨至英國朋友家中，

8月16日英國朋友代交至公司駐倫敦的OFFICE，

8月19日倫敦同事代處理一切事宜，上機去也，

8月20日EVENING貨到香港。

8月21日在本人工作的地方提貨 (我做貨運站的！)

我到貨場提貨也引起一小陣混亂。

前線同事非常緊張，

因為本人公司有服務承諾，必需於15分鐘內發放貨件；

有關同事怕要我等(怕被我之前算賬，哈哈)。

然後，又被海關扣留了我的貨品30分鐘驗貨。

最後，

叫同事幫我運貨至我的OFFICE存放.....

打算遲少少才拿回家.... 放住OFFICE先啦！

[23W6D] 請工人之一波三折 (3)

上文提要......

因為工人妹妹二號九個月沒有經期，

過不到身體檢查這一關，

因為等second report只需多等一個星期，

我都想知道究竟發生咩事...

所以就等啦。

點知.....

原來，工人妹妹二號又係有左BB！！！

真的情天霹靂。

不過，我都寧願佢有左，

好過係身體有事呀。

始終，有左都係開心事。

咁.....

我點算好呢？

工人妹妹一號都非常之唔好意思，

立即跟我說，

佢仲有一個朋友想來香港工作。

本身未做過，

但自己有兩個小朋友，

有湊初生的經驗。

講真，

大家都知道請工人真係「搏一鋪」的，

所以，佢有來過，無來過我又真係唔太CARE的；

望過個樣順眼又幾靚，

親和力強，

咁就算啦。

今次，小心駛得萬年船，

我叫工人妹妹朋友要驗好身我才簽名作實，

因為不想沒完沒了的搞落去。

現在，

已CONFIRM她PASS了檢察。

只等文件批核了。

希望今次OKAY啦！

如無意外，

應該十月中便會叫工人報到了！

真不捨得我們的二人世界呀！

[23W2D] 請工人之一波三折(2)

話說之前因為有阿姨呢個私人推介，

再加上睇過相，傾過兩句計都過得OKAY，

所以便開始PROCEED個ARRANGEMENT啦。

因為我係DIRECT HIRE，

CHECK左不同公司的收費，

價錢都幾貴....

明明不用仲介介紹工人，

他們都收我7-8千的行政及各式各樣的費用；

然後，

原來在菲傭埋中，

她們有一家專門幫已在香港工作的菲傭搞續約同搵工等事宜的一家公司。

是一位菲律賓人主理的；

經過我欲請的第一位工人在香港工作的妹妹轉介，

收費約HK$4,600 + HK$1,100 (身體檢查費用)

當然，

我沒有見過這家仲介公司的主事人，

一切，也經由工人妹妹去處理，

然後和我WHATSAPP溝通而已。

其實呢種安排都幾合我心意。

你咪睇我做公關，以為我一定好SOCIABLE，

但其實在工作以外，

我是一個極度「排外」，唔鍾意識朋友的人。

呢種全電子化的方式，

我十分滿意。

當我滿以為一切安好，

只靜待工人於十月中報到之際，

竟收到工人妹妹的電話，

說本來欲請的工人.... 大。肚。了。

真的OH MY GOD呀！

不過，幸好所有合約仍未開始處理，

而工人有另一個妹妹(暫稱為二人妹妹二號)可以過來幫手；

且不用繳付額外費用，

那便所謂啦。

一直也相安無事，

不過，世事又豈有這樣完美的呢？

工人妹妹二號竟然過不到身體檢查呢關！

原因為是..... 她九個月沒有經期。

當地醫務所要求她要作進一步的檢察。

我收到呢個消息時有點震驚。

因為我怕她的身體出了甚麼問題，可能性有：

1. 已懷孕但不知道；
2. 有死胎在內而不知道；
3. 內在腫瘤(良性或惡性)而不知道；
4. 完全沒有事。

我應該等或是不等她的「進一步」檢查呢？

頭都大埋！

[22W6D] 請工人之一波三折 (1)

假如你問我，

懷孕對我來說最大的衝擊，

絕對是因為家中要「安置一個街外人」 - 即請工人是也。

要知道，

我們夫婦二人是自由慣的。

無端端多一個人仔，

已有不少需要適應的地方，

還要多一個陌陌生生的外籍女傭。

真的想起便怕！

不過怕還怕，人始終要面對現實的。

再加上身邊人人也說現在請工人非常困難。

正所謂你揀人時人揀你....

所以... 也打算早早開始著力出手，

在六月時，

我便開始了一些基本的RESEARCH。

我的心裡有幾個問號：

1. 菲傭定印傭？

其實咩國籍我又無咩CONCERN，講真，咩國家也有好人有壞人；我唔會因為佢係某一個國家而有PREFERENCE。

但我比較留心的係她的宗教信仰。

我沒有歧視任何宗教，

只是之前因為工作關係接觸過回教徒。

她們真的好多規矩。

如果係好「神心」個隻，她們是需要一日做五次禮拜，每次都要先沐浴再做20-30分鐘祈禱！

因為有超過半數的印尼人是回教徒。

相對，菲律賓人則多是天主教徒。

就是因為這樣，

我才有點RELUCTANT去請印傭。



2. 邊間仲介公司好？

Completely No Idea。

唯一一點，真的不要相信各大仲介公司的網路收費，

我逐一打電話去問，

發現，

有很多收費是沒有列明的。

明明網上寫HK$8000，但傾吓問咔，就會變成HK$10,000-HK$12,000。

請個工人都要成萬蚊，仲要唔保證一定請到個好！

你話係咪搶呀錢！


3. 請後生的還是成熟一點的好？

之前因為打算請工人，上了BABY KINGDOM睇關於請工人的POST，

但一睇，就覺得好得人驚。

有好多人警告JM們不要請太後生，太漂亮的！

因為她們的性觀念相對開放，

有機會會勾三搭四，

輕則係出面搞大個肚，

重則搞埋個老公！

好多分享POST都係咁講....

講到我都好驚吓。

有一天好認真咁同老公講起呢個問題，

佢話.... 係要「滾」的，在家在外都會，

係「唔滾」的，你擺個天仙係度都唔會心動。

雖然講左好似無講....

不過...我又真係一向都非常信任老公的。

我呢，還是一貫的想法，

請一個30歲出頭，又小孩子的人便是了。

個樣嘛，都想請一個PLEASANT的，

第日小豆要日對夜對，

都想搵一個順眼的人咁囉。



之後，阿姨知我請工人，她有好介紹，

點之......(待續)